
Skuadra e Tiranës luan në këtë sezon në Kategorinë e Parë. Bardheblutë e kryeqytetit kanë bërë paraqitje të mira nën drejtimin e trajnerit Ze Maria. Në këtë edicion futbollistik, Tirana mban vendin e parë në Grupin B me 18 pikë. Në 7 ndeshje, bardheblutë numërojnë 6 fitore dhe vetëm 1 humbje.
Përgjatë gjithë këtyre takimeve duket se te 24-herë kampionët ka edhe futbollistë të paprekshëm për sa i përket formacionit. Bëhet fjalë për Erjon Hoxhallarin, Uellison Oliviera dhe Junus Sentamu të cilët kanë luajtur në çdo sfidë për 90 minuta duke numëruar plot 630 minuta në këmbët e tyre.
Paraqitjet e tyre kanë qenë për t'u përgëzuar dhe kjo duket se ka ndikuar në bindjen e trajnerit për t'i mos zëvendësuar asnjëherë deri më tani.