Andre Onana është kthyer në prioritetin e Manchester United në këtë merkato vere. Gardiani i Interi ka zhvilluar një sezon fantastik me zikaltërtit dhe tashmë lidhet me një largim të mundshëm.
Skuadra angleze ka ofruar 45 milionë euro për shërbimet e tij, por te Interi nuk janë të kënaqur më një shifër të tillë pasi synojnë që minimumi të fitojnë 60 milionë euro.
Në lidhje me këtë ka folur drejtori i italianëve, Ausilio, i cili ka theksuar se ofertat në drejtim të Onanës nuk kanë nivelin që drejtuesit prisnin, ndaj portieri konsiderohet një lojtar kyç për sezonin e ri.
"Nga sot, propozimet nuk janë në nivelin që prisnim. Në këtë moment ai është portieri ynë dhe Andre është lojtari kyç për ne - ne do të donim ta mbanim atë, pastaj do të shohim se çfarë do të ndodhë. Ne e presim atë më 13 korrik për sezonin paraprak”, ka theksuar Ausilio.
Kujtojmë se Onana ka kontratë të vlefshme me Interin deri në qershor të vitit 2027.
Lexo gjithashtu
