Napoli është shpallur kampion i Serie A për këtë sezon. Në një sukses të tillë edhe ofertat nga klubet e tjera për lojtarët e skuadrës italiane nuk mungojnë. Një nga shtyllat e këtij suksesi është padiskutim edhe koreano-jugori Kim Min-Jae, i cili bashkë me Amir Rrahmani kanë formuar një dyshe fantastike në qendër të mbrojtjes.
Sipas mediave italiane, lideri i Bluve ka rënë në radarët e skuadrave nga Manchesteri, United kërkon shërbimet e koreano-jugorit.
Ten Hag i pëlqen shumë karakteristikat e 26-vjeçarit dhe në merkaton e verës do të tentojnë edhe transferimin e tij. Pritet të jetë një verë e nxehtë për shërbimet e mbrojtësit të Napolit, i cili me këto të fundit ka kontratë deri në vitin 2025. Klauzola e 26-vjeçarit është 45 milionë euro, shifër kjo që nuk përbën problem për “arkat” e “djajve”.
Lexo gjithashtu
