26 maj 2022, Tirana priti Kukësin në "Selman Stërmasi" në ndeshjen e fundit të sezonit. Llogaritë ishin mbyllur dhe bardheblutë ngritën lart trofeun në fund të 90 minutëshit. Në katërkëndësh ishte veterani Ilion Lika, i cili u fut në 27 minutat e fundit dhe më pas mori në duar titullin e rradhës, si një nga kapitenët e skuadrës.
345 ditë më vonë, që nga ajo ditë, Ilion Lika në moshën 42-vjeçare thirret sërish në detyrë, pas mungesës së Bekajt, në një ndeshje ku çështja titull është përsëri temë kryesore. Një fitore e sotme vlen më shumë se 3 pikë për bardheblutë që do të shkojnë më pas në derbi me qetësinë e 5 pikëve diferencë.
Ama, nëse Partizani ndalet nga Kukësi, mund të themi se kjo çështje është mbyllur. Dashur pa dashur, emri i Ilion Likës qarkullon ngushtë me këtë trofe dhe mbetet të shihet nëse fati do të jetë sërish me të në sfidën e sotme.
Lexo gjithashtu
