Dinamo aktualisht nuk po kalon një moment të mirë në kampionat, me dinamovitët që kanë 2 humbje dhe 1 barazim në 3 ndeshjet e fundit në Superiore. “Blutë” aktualisht janë 4 pikë larg “Final Four”, ku Skënderbeu mban vendin e 4-të në klasifikim.
Pikërisht korçarët janë kundërshtari i radhës i Dinamos, takim që do të luhet më 30 mars në “Niko Dovana” në orën 18:00 dhe është i vlefshëm për javën e 29-të të Superiores. Njës duel direkt mes dy ekipeve për top-4 dhe ‘djemtë’ e Dritan Mehmetit janë të dënuar vetëm për fitoren.
Por jo vetëm kaq, “Blutë” do të luajnë një tjetër sfidë mjaft të rëndësishme 4 ditë më pas. Do të luajnë ndaj Teutës sfidën e prapambetur të javës së 27-të më 3 prill dhe do të luhet po në “Niko Dovana” në orën 18:00. Një tjetër sfidë ku “Blutë” do të kërkojnë vetëm fitoren për të mos i lënë asgjë rastësisë.
Nuk do të ketë pushim për dinamovitët, pasi një tjetër ndeshje delikate do të luhet më 7 prill. Sfidë që do të luhet në “Kukës Are a” në orën 15:00.
3 ndeshje mjaft të rëndësishme, me dinamovitët që brenda 8 ditëve do të luajnë fatet e “Final – Four”. Ndeshje këto që Mehmeti duhet të mirë menaxhojë skuadrën për të përballuar siç duhet 270 minuta. Aktualisht kanë grumbulluar 36 pikë pas 27 javësh dhe kanë shënuar 36 gola dhe kanë pësuar 37-të.
Lexo gjithashtu
