Victor Osimhen është kthyer në objektivin e Manchester United, me “djajtë” që kërkojnë të transferojnë sulmuesin në “Old Trafford”.
Gjithashtu edhe PSG-ja është e gatshme të bëjë një “çmenduri” për të siguruar shërbimet e lojtarit të Napolit. 120 milionë euro mendohet të jetë oferta që dy klubet do të dërgojnë në tavolinën e drejtuesve napolitanë.
Por siç duket diçka e tillë nuk e tundon Aurelio De Laurentiis, i cili i bindur ka theksuar se Osimhen nuk është në shitje.
“Osimhen nuk është në shitje. Lojtarët tanë janë të shumëkërkuar, por ne nuk jemi të detyruar të shesim, nuk dua të shes askënd pasi klubi jonë nuk ka borxhe”, u shpreh De Laurentiis për ‘Bild’.
Kujtojmë se Osimhen ka një kontratë të vlefshme me Napolin deri në 2025, ndërsa aktualisht napolitanët janë në krye të renditjes së Serie A, shumë afër për të fituar Schudetton.
Lexo gjithashtu
