Valmir Veliu u bë sot zyrtarisht transferimi më i shtrenjtë në Kosovë. Sulmuesi u shit për shumën e 180 mijë eurove, nga klubi i Llapit për te Gaziantep. Kontrata e nënshkruar me tij dhe klubit turk është 3- vjeçare.
Në lidhje me këtë transferim rekord ka folur dhe presidenti i Llapit Beqir Batatina. Për “Gazeta Nacionale”, ai tregoi prapaskenat e transferimit, negociatat e të cilit kishin zgjatur 1 vit. Në mes interesimit nga klubet e tjera, presidenti konfirmoi shumën prej 180 mijë eurove.
Më tej tregoi se u mendua dhe për karrierën e Veliut, pasi në këto momente kur Llapi po përgatitet për turin e parë të Conference League, 22- vjeçari është element i pazëvendësueshëm për ekipin.
Interesim nga klubet e tjera? “Po ka pasur edhe tre klube tjera të cilat kanë qenë të interesuara për Valmirin, por pas bisedës që kishim me të vendosem ta transferojmë këtu pasi ishte skuadra që e donte me patjetër atë. Negociatat zgjatën rreth një vit”.
Vlera e shitjes 180 mijë euro? “Po, është shumë e vërtetë që Valmir Veliu është shitur për 180 mijë euro plus 15 për qind e kartonit është vendosur aty”.
Mungesa e tij te Llapi? “Po, Veliu do të na mungojë shumë dhe për momentin nuk ka lojtarë në Superligën e Kosovës që e zëvendëson, por unë bashkë me trajnerin vendosem ta dërgojmë Veliun për arsye që të mos ia humbim shansin. Ne si klub na ka lënë shumë keq për garat të Evropës, por menduam për fatin e tij që të arrijë qëllimin që e kishte me trajnerin”.
Falenderimi për trajnerin e Llapit Tahir Batatina: “Unë dua ta falënderoj trajnerin, i cili sjell në Llap talente dhe i dërgon në garat evropiane. Talenti tjetër i cili do ta shijojë Evropën së shpejti është Ilir Krasniqi.
Loading ...
