Dritan Dervishi është rikthyer edhe një herë të flasë për Partizanin, por kësaj here kundër trajnerit. Ish drejtori i kuq sulmon në mënyrë të drejtëpërdrejtë Adolfo Sormanin, ku sipas tij shkaktari i eliminimit të Partizanit në Champions League ishte pikërisht tekniku italian. Dervishi, tashmë si drejtor i përgjithshëm te Kukësi ka deklaruar që vendosja e Atandës në të majtë të mbrojtjes dhe Arapit në qendër ka qenë një gabim i padiskutueshëm i Sormanit.
“Si të gjithë shqiptarët kam ndjekur ndeshjet e Partizanit në Champions League më dëshirën që të vijonte më tej. Nuk e kuptoj se si një trajner mund të bëjë gabime kaq trashanike duke aktivizuar Arapin në qendër kur ai luan në krah, ndërsa Atandën në të majtë kur ai është që nga qendërmbrojtësit më të mirë të kampionatit shqiptar.”
Dervishi foli edhe për grupin e lojtarëve të Partizanit, ku vuri në dukje cilësitë e mira të lojtarëve të cilët mund të arrijnë të kualifikohen në grupet e Europa League.
“Partizani ka një grup të mrekullueshëm, që mund të fitojë ndaj cdo kundërshtari por që mund të mposhtet edhe nga skuadra të dobëta. Unë mendoj që i ka të gjitha mundësitë për t’u kualifikuar në fazën e grupeve.”
Por drejtori i përgjithshëm i verilindorëve i bëri thirrje të gjithë klubeve të Superiores që të mos u afrohen lojtarëve që janë nën kontratë me Kukësin.
“Asnjë ekip i Superiores nuk ka të drejtë të nisë kontaktet me lojtarët që janë nën kontratë me Kukësit, sepse kjo nuk është profesionale. Përsa i përket Malotës, ai është një lojtar i lirë sepse nuk ra dakord me presidentin për kushtet financiare. Gjici është një njeri i surprizave dhe si i tillë ka rezervuar edhe një blerje tepër cilësore deri në fund të merkatos.”
Lexo gjithashtu
