ZYRTARE/ Zgjidhja vjen brenda 'familjes', Vora zyrtarizon zëvendësuesin e Klodian Arbërit
Shkruar nga NEWSPORT
Klodian Arbëri ka dhënë dorëheqjen nga Vora pas humbjes 2-1 me Burrelin. Skuadra e Kategorisë së Parë ka gjetur menjëherë edhe zëvendësuesin e beratasit.
Nëpërmjet një postimi në rrjetet sociale bëhet me dije se trajenri i ri i Vorës do të jetë Endri Zjarri, i cili do t’i drejtojë deri në fund të këtij sezoni. Një zgjidhje brenda familjes, me Zjarrin që e njeh mirë skuadrën dhe do të kërkojë që të arrijë objektivin e klubit deri në fund të sezonit.
“FK Vora bën të ditur se nga sot ka emëruar z. Endri Zjarri në rolin e trajnerit deri në përfundimin e sezonit. Ai do të nisë menjëherë punën nga dita e nesërme.Klubi i uron suksese Endrit në detyrën e tij të re, të cilën besojmë se do ta bëjë me shumë devotshmëri ashtu si çdo detyrë tjetër që i është ngarkuar më parë!”, thuhet në postimin e skuadrës së Kategorisë së Parë.