Dionis Çikani është lojtari më i ri i Drenicës. Zyrtarizimi ka ardhur nga klubi kosovar, me anë të një postimi në rrjetet sociale. Sulmuesi vjen si huazim nga Partizani, me shpresën se tani hapësirat nuk do mungojnë.
Drenica po bën një merkato të mirë, teksa ka afruar shumë lojtarë. Synimi është qëndrimi në elitë, teksa pretendentët janë të shumtë. Nëse do ia dalë dot apo jo, na mbetet të presim e të shohim.
Postimi:
Dionis Çikani, vishet ‘kuq e zi’ !Skenderaj – 12 Janar 2021 Sot në ambientet e klubit, është prezantuar sulmuesi anësor, Dionis Çikani. 21 vjeçari, i bashkohet Drenicës, në formë huazimi nga skuadra e Partizanit të Tiranës. Lojtari ka filluar menjëherë stërvitjet me grupin tjetër të lojtarëve. Sulmuesi nga Shqipëria, më herët ka bërë karrierë edhe tek Tirana dhe Besa e Kavajës. Çikani është përforcimi i shtatë në skuadër, kurse deri në përfundim të afatit kalimtar, drejtuesit e klubit po punojnë të sjellin edhe disa lojtarë tjerë në ekip, për ta kompletuar skuadrën për stinorin pranveror.