ZYRTARE/ MAZREKAJ prezantohet te Struga: DURO insistoi për mua, jam gati për garat europiane
Shkruar nga NEWSPORT
Mentor Mazrekaj vetëm pak ditë më parë njoftoi largimin nga Laçi. Fantazisti menjëherë gjeti skuadën e re dhe tashmë aventura e tij do të jetë në MAqedoninë e Veriut.
Ish-lojtari kurbinas do të bashkohet kështu edhe një herë tjetër me Shpëtim Duron, ndërsa ka ardhur edhe prezantimi i tij te skuadra kampione.
“Është një transferim që erdhi me insistimin e profesor Duros, pasi dihen raportet që kam me të dhe nuk mund ta refuzoja. Kam ardhur me shumë dëshirë këtu dhe të gjithë më kanë pritur ngrohtë, ndaj besoj që do të ambientohem shpejt dhe të ndihmoj skuadrën si në përfaqësimin europian, ashtu edhe mbrojtjen e titullit sezonin e ardhshëm”, ka theksuar Mazrekaj.