Ferizaj ka njoftuar momente më parë afrimin e Filip Gligorov. Mbrojtësi maqedonas është një përforcim me vlera për ekipin dardan teksa CV-ja e tij është mjaft e pasur. Gligorov më parë ka luajtur edhe në Shqipëri me Kukësin, Partizanin dhe Vllaznië ndërsa tani do të provojë edhe kampionatin kosovar.
Kjo është hera e parë për mua që do të luajë në Kosovë, sigurisht se në të kaluarën kam pasur oferta, por asnjëra nuk më ka bindur. Oferta e klubit të Ferizajt ka qenë ndryshe nga të tjerët sepse bëhet fjalë për një projekt shumë konkret dhe profesional. Për ne lojtarët është e rëndësishme që të na krijohen kushtet për të dhënë më të miren nga vetja. Dhe klubi i Ferizajt i përmbush të gjitha nevojat.
Jam shumë i motivuar dhe menxi e pres fillimin e garave. Nga ajo se çka kam dëgjuar bëhet fjalë për një klub me lojtarë të talentuar, e që sigurisht se edhe me ndihmën e fatit ne do të arrijmë objektivat tona”, ka thënë Gligorov për faqen e klubit.
Lexo gjithashtu
