Yusuf Nayara është lojtari më i ri i Shkumbinit. Pasi arritën akordin me ish-trajnerin e Kukësit, Stavri Nicën, tashmë klubi nga Peqini siguron shërbimet e një ish-lojtari të verilindorëve.
Nayara me Kukësin ka luajtur 7 ndeshje mes Kupës dhe Superiores, teksa është aktivizuar edhe me ekipin U-21 të verilindorëve në 6 sfida të tjera. Por ky aktivizim nuk ka mjaftuar për nigerianin, me këtë të fundit që vendosi të nisë një aventurë të re me Shkumbinin në Kategorinë e Dytë.
Lajmin për transferimin e sulmuesit e ka bërë të ditur vetë klubi i Shkumbinit me anë të një postimi në faqen zyrtare ku shkruan:
“Ish i Kukësit mbërrin në Peqin YUSUF Nayara në urdhërat e Nicës. Shkumbini po shfrytëzon çdo moment në merkato. Pas afrimeve pak ditë më parë një tjetër lojtar bëhet pjesë e shkumbinit. Këtë herë presidenti Kasa ka arritur të bindë një lojtar të superiores që të jetë pjesë e ekipit të Stavri Nicës për fazën e dytë. Nigeriani 22 vjeçar Yusuf Nayara do ti bashkohet ekipit të shkumbinit në vazhdimësi. Sulmuesi vjen nga ekipi i Kukësit nga kategoria Superiore teksa ka luajtur 7 takime. Pritet që lojtari të jetë një goditje me vlerë për ekipin Peqinas duke shpresuar që nuk do të mungojnë golat prej tij. Presidenca dhe drejtuesit peqinas i urojnë mirëseardhjen Yusuf Nayara.”
Lexo gjithashtu
