Stenio Junior u rikthye të jetë në qendër të mediave në Shqipëri teksa Tirana ishte e interesuar për një rikthim të brazilianit në Shqipëri. Sulmuesi është një fiksim i vjetër i presidentit Refik Halili, që nga koha kur ai ishte pjesë e Partizanit me të cilët shkëlqeu në 61 ndeshje duke shënuar 25 gola e 10 asiste. Mirëpo, të gjitha zërat tanimë do të shuhen teksa 32-vjeçari zyrtarizoi rikthimin e tij te Chiangmai në kampionatin tailandez. Chiangmai ishte aventura e tij e rradhës pasi u largua nga Shqipëria ndërsa gjysmën e fundit të këtij sezoni e mbylli me Pathum United ku në 16 ndeshje shënoi  3 gola. Tirana shihte tek ai një mundësi të mirë për të mbushur organikën në sulm teksa lojtari është i aftë të bëjë të gjithë pozicionet e repartit. Edhe pse nuk u morën hapa konkret, mund të themi që Stenio Junior është një dritare e mbyllur për bardheblutë të cilët janë të fokusuar totalisht te Liridon Latifi.

 

View this post on Instagram

 

A post shared by Stenio Junior (@steniojr_18)