Nga 1 korriku, Mateu Alemany , drejtor aktual i Barcelonës, do të jetë i lirë në merkato dhe gjithçka sugjeron se karriera e tij do të vazhdojë në Angli, te Aston Villa. Është vetë trajneri i skuadrës, Unai Emery, i cili foli drejtpërdrejt për këtë në një konferencë shtypi duke pritur lajmin e ardhjes së tij.
“Mateu është një person që ka përvojë në një nivel të lartë, nëse ai vjen këtu është sepse ai sheh mundësi për të bërë mirë, do të jetë një mundësi e shkëlqyer duke qenë në gjendje të krijojmë një strukturë të fortë me të. Ne duam të forcohemi që të përpiqemi dhe të rritemi edhe më tej”, tha Emery.
Mateu Alemany është arkitekti i katalanasve dhe njeriu prapa “kuintave” i cili ka ndërtuar skuadrën e që po del kampione në La Liga. Ai njihet gjerësisht si një nga drejtorët sportiv më të mirë në qarkullim dhe pritet të jetë një humbje e madhe për blaugranat.
Lexo gjithashtu
