Luka Modric është nga ata lojtarë të cilët pasi të varin këpucët në gozhdë, nuk do të kenë shumë pengje në karrierën e tyre. Mesfushori ka prekur majën e futbollit duke fituar gjithçka me Real Madrid. Në 11 sezone në Spanjë, kroati ka ngritur lart plot 23 trofe: 5 Champions League, 5 Botërorë klubesh, 4 Superkupa Europiane, 3 La Liga, 2 Copa del Rey dhe 4 Superkupa Spanjolle.
Në nivel klubesh e ka “kompletuar” futbollin, ajo që do t’i ngelet peng është suksesi me Kombëtaren e Kroacisë me të cilën ka humbur një finale Botërori dhe një finale të Nations League.
Megjithatë, ai s’di të ndalet. Modric ka rinovuar kontratën me Real Madrid edhe për një tjetër sezon pasi aktualja i skadonte më 30 qershor. Legjenda 37-vjeçare ka hedhur firmën në kontratë dhe do të vijojë aventurën e tij si “Los Blancos”.
Lexo gjithashtu
