Zinedine Zidane duket se është ëndrra e madhe e klubit të Paris Saint-Germain. Drejtuesit prej kohësh kërkojnë një trajner që mund t’i nxjerrë kampionë në Champions League. Të gjithë teknikë parizienë ndër vite kanë dështuar me gjithë shpenzimet e shumta të Al Khelaifi-t.
E vetmja zgjidhje duket emërimi në stol i ish-trajnerit të Real Madrid Zinedine Zidane. Zizou fitoi tre herë rrjesht Championsin me Realin nga 2016-2018. Për parizienët ai garanton suksesin europian.
Mirëpo Zidane ende nuk është bindur të jetë trajneri i PSG. Sipas "MediaFoot.net" me të ka hyrë në bisedime edhe ish-presidenti i Francës Nicolas Sarkozy. Ky i fundit është një tifoz i madh i parizienëve dhe mund të bindi Zidane të marrë drejtimin e skuadrës së Neymar, Messi dhe Mbappe. Sarkozy gjithashtu ishte ai që e bindi Mbappe të qëndronte në kryeqytetin francez dhe të mos shkonte te Real Madrid.
Lexo gjithashtu
