Isco, dikur një lojtar shumë i talentuar tek i cili besohej shumë është rikthyer për të folur në media. Ai kujton kohët e tij të arta tek Real Madrid, klub ku kaloi momentin më të mirë të karrierës. Tek madrilenët, spanjolli qëndroi plot 9 vite, por në vitet e fundit duke mos qenë protagonist.
“Pse u largova nga Reali? E bëra sepse ndjeva se nuk kishte më vend për mua, nuk duhet të qëndroja më”, është shprehur ish-lojtari i Realit.
Rëndësia e Zidane – “Ai është një nga trajnerët me personalitetin më të madh që kam pasur ndonjëherë. Ai erdhi në një moment të vështirë dhe ne fituam tre Champions League radhazi. Ai u largua më pas dhe pas rikthimit ne e fituam përsëri Championsin”, tha më tej Isco.
Problemet në Madrid – “Kam qëndruar për shumë vite, kam qenë shumë i lumtur. Disa gjëra ndodhën me trajnerët. Çfarëdo që të bëja, nuk luaja. Mua më mungonte përgatitja psikologjike, kishte momente që në vend që të jepja diçka më shumë, rrëzohesha. Të bësh një hap të till si unë, për t’u larguar nga klubi më i mirë në botë është i komplikuar. Por gjetja e momentit të duhur në të cilin duhet ta bësh atë hap është edhe më e vështirë”, e ka mbyllur fjalën e tij futbollisti spanjoll.
Kujtojmë që këtë sezon, Isco aktivizohet tek Real Betis në La Liga, teksa ka bërë një nisje sezoni mjaft të mirë dhe është një nga pikat kyçe të ekipit.
Lexo gjithashtu
