Sulmuesi i Shkëndijës së Tetovës nuk po kalon aspak një moment të mirë sa i takon jetës private. Dashmir Elezi edhe pse 18-vjeç fati ka vendosur ta përballë me sfida të mëdha. Në harkun kohorë të 1 muaji, lojtari i kuqezinjve humbet dy njërëzit më të afërt të tij.
Më 10 dhjetor 2022 i dha lamutmirën babait të tij, Skender, me këtë të fundit që ndërroi jetë në Bullgari në një aksident. Por jo vetëm kaq, pasi ditën e djeshme sulmuesi humbi edhe gjyshin e tij.
Dy humbje që e kanë rrënuar sulmuesin e talentuar, ku sa i takon karrierës , ai sapo kakompletuar kalimin e tij te kampionët e Gjeorgjisë. Shkëndija e ka shitur 18-vjeçarin te Torpedo Kutaisin për shumën e 100 mijë eurove, ndërkohë kuqezinjtë kanë mbajtur edhe 15% që të përfitojnë nëse katër herë kampionët e Gjeorgjisë e shesin në të ardhmen.
Kujtojmë se Dashmir Elezi ka lindur në Tetovë dhe është rritur te Shkëndija. Pjesë e ekipit të zemrës u bë në nëntorin e vitit 2020. Edhe pse vetëm 18 vjeç, sulmuesi numëron 68 ndeshje në total në të gjithë kompeticionet dhe 10 gola.
Lexo gjithashtu
