Një lajm i zi vjen nga Kosova teksa mësohet se ka ndërruar jetë Shefqet Sinani.
Janë “Plisat” ata që bëjnë me dije se ish-futbollisti i Prishtinës ka mbyllur përgjithmonë sytë sot. Përmes një postimi në faqen zyrtare, shkruhej:
“Sot ka ndërruar jetë ish-futbollisti i Prishtinës, Shefqet Sinani.
Ne do të jemi përjetësisht falenderues për kontributin e tij të dhënë në vitet më të vështira e njëkohësisht më të lavdishme të klubit tonë.
Shefqet Sinani ishte pjesë e gjeneratës së artë të Prishtinës, atëherë kur qyteti e kombi ynë mburrej me sukseset klubit në ish-Jugosllavi.
Shefqet Sinani dhe e gjithë ajo gjeneratë, na shërbejnë neve e të tjerëve si udhërrëfyes për të ardhmen e KF Prishtinës.
U prehsh në paqe Kampion!”
Loading ...
