Gjatë Botërorit të fundit pati shumë zhvillime, ku një ndër ndeshjet më të komentuara ishte ndeshja mes Zvicrës dhe Serbisë, ku Granit Xhaka dhe Xherdan Shaqiri mundën të shënonin dy gola dhe të "fundosnin" Kombëtaren e Serbisë.
Lidhur me këtë gjë ka folur lojtari serb Luka Milivojevic i cili është kapiteni i Crystal Palace. Ai ka kritikuar trajnerin për zgjedhjet duke iu kundërvënë teknikut Mladen Krstajic për lëvizjet që bëri gjatë ndeshjeve të Botërorit.
Pas kësaj, Milivojevic nuk është grumbulluar me Kombëtaren e Serbisë, vendim ky që ka ardhur në formë dënimi nga trajnerit Mladen Krstajic.
"Trajneri ynë kishte opinionin e tij, diçka që ai donte të provonte, dhe në fund ne humbëm. Mendoj se në ndeshje të tilla duhen lojtarë më me eksperiencë në minutat e fundit të ndeshjes", kanë qenë fjalët e lojtarit serb për teknikun e Kombëtares.
Lexo gjithashtu
