
Partizani po kalon moment kritik me Orges Shehin në krye. Të kuqtë humbën vendin e dytë në renditje, teksa Vllaznia u shkëput me 3 pikë më shumë. Humbja ndaj Skënderbeut 1 me 0, nuk është e vetmja çfarë shqetëson trajnerin Shehi.
Aktualisht sulmi i Partizanit ndodhet në vështirësi. Të kuqtë do i duhet të bëjnë të paktën në ndeshjen ndaj Kukësit, pa 3 sulmues të rëndësishëm për skuadrën.
Bëhet fjalë për Albers Kekon, Xhuliano Skukën dhe Alfred Mensah. Ky i fundit u dëmtua në ndeshjen ndaj Skënderbeut pas disa minutave lojë. Skuka po kalon dëmtimin e pësuar ndaj Kukësit në Kupë, ndërsa Keko vazhdon të vuajë problemin në këmbë.
Dhe pse nuk janë dëmtime të rënda, vijnë në fazë të vështirë për Partizanin. Shpresa e vetme shihet të dyshja afrikane e sulmuesve të Partizanit. Pikërisht Mba dhe Bintsouka janë ata nga të cilët priten golat.
Bintsouka sapo është rikuperuar nga dëmtimi, teksa Mba po mundohet të fitojë formën e duhur fizike. Kohë nuk ka dhe ndeshjet e radhës janë mjaft të rëndësishme për vazhdimësinë.