Verën e kaluar Arsenal shprehu një interesim ndaj anësorit të Bayern Munchen, Leroy Sane. Topçinjtë po kërkonin një anësor dhe Sane mund të ishte lëvizja e duhur. Por atëherë nuk arritën ta merrnin gjermanin. Gjatë janarit ata morën Trossard nga Brighton.
Por kohët e fundit Arsenal e kanë zgjuar sërish interesimin për lojtarin e Bayern. Ai nuk po aktivizohet shumë në formacionin e Nagelsmann. Një transferim në Londër mund të ishte i mirëpritur për të. Sane e njeh shumë mirë Premier League pasi ka luajtur më parë për Manchester City. Tek Arsenal ai do të ketë mundësinë të ribashkohet me Mikel Artetën pasi ky i fundit ka qenë zëvëndëstrajner tek City kur Sane ishte lojtar i tyre.
Gjatë verës pritet një ofensivë e re e londinezëve për gjermanin dhe mbetet për t’u parë shuma që ata do të jenë të gatshëm të paguajnë. Një ofertë e mirë mund ta bënte dhe Bayern të pranonte një transferim të tillë.
Lexo gjithashtu
