Partizani luajti mesditen e sotme përballë Apolonisë në shtëpi, një ndeshje e vlefshme për raundin e 1/8-ave të Kupës së Shqipërisë. Të kuqtë fituan me përmbysje me rezultatin 3-1 në ‘Arenën e Demave’ për t’u kualifikuar në çerekfinale.
Heroi i ndeshjes ishte pa asnjë mëdyshje Xhuliano Skuka. Bomberi e nisi për herë të parë si titullar që pas rikthimit te Partizani dhe shkëlqeu për 75 minuta sa luajti. Sulmuesi dibran barazoi rezultatin 1 minutë pasi të kuqtë u ndëshkuan, ndërsa 9-të minuta më vonë fitoi vetë një penallti të cilën ia ‘fali’ Hadrojt që shënoi golin e parë këtë sezon.
Orges Shehi u shpreh pas ndeshjes se veç kualifikimit, i gëzohet më së shumti rikthimit të Skukës që njohim. Skuka “i vjetër” është i pandalshëm, i frikshëm dhe një armë që Partizani mezi pret ta ‘shkrepë’ në pjesën e dytë të sezonit.
Lexo gjithashtu
