Barcelona pret ditën e nesërme në “Camp Nou” skuadrën e Real Madrid për të zhvilluar mes tyre edhe sfidën e javës së 26-të të kampionatit. Një takim që konsiderohet shumë i rëndësishëm në garën për titullin kampion, pasi një fitore e katalanasve do ta çonte në 12 diferencën mes tyre.
Para kësaj supersfide ka folur në konferencën për shtyp Xavi Hernandez, i cili ka deklaruar se çfarëdo që të ndodhë ditën e nesërme nuk do të jetë përfundimtare.
“Çfarëdo që të ndodhë nesër, nuk do të jetë përfundimtare. Ka ende një rrugë të gjatë për të bërë, por fitorja do të thoshte një goditje e madhe për Real Madridin.
Qëllimi ynë është të dominojmë lojën, diçka që praktikisht e kemi bërë gjithmonë, përveç ndeshjes së fundit në Bernabeu. Synimi ynë është që t’i ngjajmë më shumë versionit të finales së Superkupës”, deklaroi më tej trajneri i katalanasve.
Lexo gjithashtu
