Joao Cancelo dhe Joao Felix janë dy afrimet e fundit te Barcelona. Dy transferime të rëndësishme që kalojnë në “Camp Nou” dhe përforcojnë formacionin e Xavi Hernandez.
Pikërisht ky i fundit ka folur për transferimin e dy Joao-ve. Për Felix timonieri i Barçës ka theksuar se i përshtatet skemës së tij 100%, ndërsa Cancelo sipas tij është i gjtihanshëm dhe do të ndihmojë skuadrën në çdo pozicion që të ketë nevojë.
“Do të shohim nëse kemi një ekip më të mirë se vitin e kaluar, notat do të vendosen në fund të sezonit. Jam shumë i lumtur. Ata kanë bërë një punë shumë të mirë në klub, skuadra është forcuar mirë. Lojtarët që janë larguar kanë kërkuar vetë. Cancelo është një lojtar i provuar, i cili mund të luajë në të dy krahët. Për shkak të humbjes së Ansu dhe Abde, ne kishim nevojë për një përforcim në front dhe Joao Félix është shumë i talentuar dhe ka bërë përpjekje për të ardhur. Një bilanc shumë pozitiv. Të gjithë kanë bërë një punë të jashtëzakonshme për të pasur një ekip konkurrues.
Joao Felix është një lojtar që na përshtatet 100%. Ne e kemi pëlqyer gjithmonë. Ai ka talent, mund të luajë si '9' dhe në të majtë, ai gjithashtu mund përshtatet djathtas.
Pozicioni i Cancelos është si mbrojtësit të djathtë, por ai mund të luajë edhe në të majtë dhe brenda, si mesfushor i dytë dhe si anësor. Ai mund të na ndihmojë shumë në çdo anë. Ai është një futbollist shumë i gjithanshëm”, përfundoi timonieri spanjoll.
Lexo gjithashtu
