Çdo ditë e më shumë rritet ankthi për tifozët korçarë dhe ulet besimi për ta parë ekipin në Ligën e Kampionëve edhe këtë verë. Kampionët kanë gjithmonë e më pak shanse për të luajtur në Kupat e Europës, edhe pse drejtuesit e klubit i qëndrojnë besnikë asaj që kanë thënë që në fillim; KAS-i do të na japë të drejtë! Por çdo ditë shtypi sportiv ka pasqyruar fakte dhe një i tillë është se në Gjykatën e Arbitrazhit Sportiv në Lozanë nuk ka asnjë çështje të hapur për Skënderbeun. Si qëndron e vërteta? Deri në fundjavë do të zbardhet gjithçka zyrtarisht, pasi më 20 qershor hidhet shorti i Kupave të Europës dhe duhet të ketë përfunduar gjithçka. Situata nuk është aspak e mirë dhe në radhët e korçarëve po forcohet bindja se drejtuesit e klubit diçka po fshehin. Për më tepër, ka zëra se dënimi i UEFA-s ka qenë 3 vjet dhe më pas Apeli e ka ulur në 1 vit mospjesëmarrje në Kupat e Europës.
Lexo gjithashtu
