Vllaznia do të ketë një revolucion në merkato. Plot 13 lojtarëve u ka skaduar kontrata dhe shumë prej tyre nuk do të rinovojnë ndaj klubi i është futur punës për t’i zëvëndësuar. Liridon Latifi pritet të transferohet në Kosovë te Ballkani i Ilir Dajës duke lënë kështu një boshllëk shumë të madh te shkodranët.
[caption id="attachment_695658" align="alignnone" width="385"]
Darko Dodev[/caption]
Megjithatë, zëvëndësuesi i tij duket se është gjetur. Darko Dodev është emri i piketuar nga drejtuesit, sipas “superliga__shqiptare__.84” në Instagram. Dodev luan në pozitën e majtë të sulmit, si Latifi dhe këtë sezon ka shënuar 7 gola e 11 asiste me Bregalnicën në Maqedoninë e Veriut.
25-vjeçari pritet të firmosë së shpejti me klubin dhe do të bëhet goditja e parë në merkato. Vlera e tij në Transfermarkt kap shifrën e 350 mijë eurove por ai vjen si transferim me parametra zero. Shumë të tjerë priten të vijnë në Shkodër teksa kjo dritare transferimesh do të jetë vërtetë e zhurmshme.
Lexo gjithashtu
