Vllaznia gjen sulmuesin që i duhej, firmos Bekim Balaj i ri

Prej një muaji Vllaznia ka qenë në hall për një sulmues, por jo më nga dita e sotme. Klubi ka firmosur me 18-vjeçarin e talentuar, i cili në Shkodër njihet si pasardhësi i Bekim Balajt për lojën dhe grintën që prodhon.

Rubin Hebaj, i cili prej disa sezonesh shënon shumë gola me skuadrat e moshave të Vllaznisë, ka bindur trajnerin Armando Cungu dhe ka firmosur sot kontratën e parë profesioniste te Vllaznia. Ai është 18-vjeç, ndërsa në janar shkoi për provë te Rijeka, por që nuk mundi të firmosë.