Sodiq Atanda është autori i golit të parë të sfidës së Partizanit kundër Teutës, ndërsa është rikthyer titullar në formacionin e Adolfo Sormanit pas problemeve që pati gjatë verës. Nigeriani erdhi nga radhët e Apolonisë në merkaton e janarit, ndërsa ndihet lider te të kuqtë në këtë periudhë të kampionatit.
Ai është zgjedhur lojtari i ndeshjes nga "neësport.al", ndërsa të njëjtën gjë ka bërë edhe platforma sportive "SuperSport". Ai ka folur për mikrofonin e "SuperSport" në fundin e takimit, duke treguar detaje rreth karrierës së tij, por edhe objektivit të të kuqve.
"Në jetë është gjithnjë një sfidë, këtë më ka mësuar trajneri im në Nigeri. Pranova sfidën që të vija këtu, dhe luajta. Në verë në Champions League trajneri më tha që të shtoj ritmin dhe të luaj më shumë, pasi unë arrita atje ku duhet, jam këtu, po luaj".
"E kam të vështirë që të bëj krahasim. Sezonin e shkuar pësuam vetëm dy humbje, ndërsa ky sezon sapo ka nisur. Ne duhet të besojmë dhe të shënojmë më shumë gola, kjo u pa sot. Jemi ende në javën e tretë dhe do të shihet rrugës".
"Në Nigeri isha kapiten skuadre përpara se të vija në Shqipëri. Erdha këtu, te Apolonia u largova si kapiten, ndaj dhe këtu dua të bëhem lider".
Lexo gjithashtu
