Situata e portierit tek ekipi i Manchester United ka qenë një situatë e ndërlikuar kohët e fundit. United kërkonte një portier të ri pa sqaruar më parë situatën me gardianin spanjoll dhe kjo gjë e ka irrituar këtë të fundit. Largimin e ka bërë të ditur vetë portieri me anë të një postimi në llogarinë e tij personalë në rrjetin social, Instagram. Kujtojmë që spanjolli është pjesë e Manchester United që nga viti 2011, kur u ble nga Atletico Madrid për shumën e 25 milionë eurove. Portieri padyshim ikën si një legjendë e klubit dhe si një figurë shumë e dashur nga tifozët. “Thjesht doja të dërgoja këtë mesazh lamtumire për të gjithë mbështetësit e Manchester United. Dëshiroj të shpreh mirënjohjen dhe vlerësimin tim të palëkundur për dashurinë e 12 viteve të fundit. Ne kemi arritur shumë që kur Sir Alex Ferguson më solli në këtë klub. Ndjeja një krenari të pabesueshme sa herë që vishja këtë fanellë, të drejtoja ekipin, të përfaqësoja këtë institucion, klubi më i madh në botë ishte një nder që u bënte vetëm disa futbollistëve me fat. Ka qenë një periudhë e paharrueshme dhe e suksesshme që kur erdha këtu. Nuk e mendoja se duke u larguar nga Madridi si djalë i ri do të arrinim atë që bëmë së bashku. Tani, është koha e duhur për të ndërmarrë një sfidë të re, për të shtyrë veten përsëri në një mjedis të ri. Manchesteri do të jetë gjithmonë në zemrën time, Manchesteri më ka formuar dhe nuk do të më lërë kurrë”, shkruan David de Gea.  

 

View this post on Instagram

 

A post shared by David De Gea (@d_degeaofficial)