
Napoli ia doli këtë sezon të shpallej kampion në Serie A. Napolitanët dominuan ndaj çdo kundërshtari, teksa ngritën në qiell trofeun e Scudettos.
Napoli pas titullit ndau rrugët me Luciano Spallettin, teksa Rudi Garcia është zgjedhur zëvendësuesi i tij. De Laurentiis nuk ka vonuar dhe i ka bërë dhuratën e parë francezit.
Khvicha Kvaratskhelia dhe kreu i Napolit kanë arritur të gjejnë gjuhën e përbashkët dhe palët kanë vendosur të rinovojnë kontratën mes tyre. Sulmuesi i cili ishte surpriza e këtij sezoni do të rinovojë deri në vitin 2028 dhe sigurisht do të ketë edhe rritje page.
Në sezonin që u mbyll 22-vjeçari zhvilloi 34 ndeshje ku shënoi 12 gola dhe dhuroi 13 asiste.
Poll