Bayern Munich kërkon t’i besojë gjakut të ri në skuadër dhe pas Arjen Rooben, Franck Ribery, Mats Hummels dhe Rafinha një tjetër futbollist mund t’i japë lamtumirën kampionëve të Bundesligës. Bëhet fjalë për Jerome Boateng që duket se ka dalë nga planet e trajnerit, Niko Kovac.
Qendërmbrojtësi 30 vjeçar nuk po bind me paraqitjet e tij dhe moshë e madhe është një tjetër pikë që e bën Bayern të mendojë shitjen e tij. Madje, sipas mediave gjermane ai është tashmë në shitje.
Për kartonin e tij, Bayern kërkon jo më pak se 25 milionë euro. Në këtë pikë të merkatos, skuadrat e interesuara për të janë me pikatore, por besohet se skuadrat angleze janë gati të përfitojnë nga ky ankand.
Loading ...Shkrime të Ngjashme
