VIDEO/ Zbulohet “binjaku” i MESSIT, mban veshur fanelën e Argjentinës
Shkruar nga NEWSPORT
Që prej ditës së diel kur u luajt edhe finalja e Kupës së Botës mes Argjentinës dhe Francës, Lionel Messi dhe “Albiçelestët” janë në qendër të mediave të huaja por jo vetëm.
“Pleshti” fitoi për herë të parë në karrierën e tij një trofe të tillë, duke shtuar shumëllojshmërinë e kupave në muzen madhështor. Një fitore që duket se i ka dhënë fund njëherë e mirë dilemës së madhe se kush mes Messit dhe CR7 është më i mirë.
Tashmë “G.O.A.T” duket se ka “pronar” Lionel MESSIN. Pikërish një video e shpërndarë në rrjetet sociale është bërë viale në internet. Një tifoz mban në dorë një dhi. Megjithatë, një fans e çoi festimin në një nivel krejtësisht tjetër, pasi më parë nuk ishte parë asnjëherë. Tifozi u kap duke kërcyer lartë e poshtë teksa mbante një dhi në krah dhe që e kishte veshur atë me fanellën e Argjentinës.
Ky moment është bërë tashmë viral në rrjetet sociale me shumë tifozë që kanë komentuar tashmë këtë video. “Tani, kështu e bëjmë!”, “O Zoti im, Messi ka një binjak” dhe “Dua të them se kjo është shumë hahaha”, ishin vetëm disa nga komentet. Që nga fitimi i Kupës së Botës, shumë tifozë mendojnë se Messi e ka forcuar mirë dhe me të vërtetë veten si më i madhi i të gjitha kohërave përpara rivalit afatgjatë, Cristiano Ronaldo.