Një incident i ka ndodhur kampionit të botës Lionel Messi pasi është ndaluar në aeroport nga policia kineze në Pekin.  Messi udhëtoi për në Kinë ditën e sotme për të udhëhequr shokët e tij të skuadrës në ndeshjen miqësore kundër Australisë më 15 qershor. Teksa po kalonte në “check-in”,  35-vjeçari u ndalua nga Policia Kufitare Kineze pasi ka rezultuar se ka patur probleme me vizën e Messit. Sipas raportimeve të medieve, futbollisti legjendar mbante në dorë pasaportën e tij spanjolle e cila nuk kishte vizë kineze, në vend të asaj argjentinase.  Messi ndenji rreth 30 minuta më pas çështja u zgjidh dhe ai u largua nga aeroporti.

Earlier today at the Beijing airport, Leo Messi faced some issues with his passport. pic.twitter.com/rLNwI3W4nJ

— Leo Messi Fan Club (@WeAreMessi) June 10, 2023

Pas ndeshjes me Australinë të enjten, Messi dhe Argjentina e tij, fituese e Kupës së Botës “Katar 2022”,  do të përballen me Indonezinë ditën e hënë më datë 19 qershor, e cila do të shënojë edhe fundin e sezonit futbollistik 2022-2023 për të.