Cristiano Ronaldo mes lotësh i dha lamtumirën Kupës së Botës në “vallëzimin” e tij të fundit në këtë turne. Eliminimi nga Maroku ka “thyer” zemrën e gjithë tifozëve të portugezit të cilët kërkonin ta shikonin duke ngritur lart trofeun prestigjioz. Ronaldo, 37 vjeç, ndoshta do të pensionohet pa fituar kurrë trofeun më të rëndësishëm të sportit. Ylli portugez hyri si zëvendësues kundër Marokut me skuadrën e tij tashmë prapa dhe nuk ishte në gjendje të parandalonte eliminimin. CR7, i cili mori pjesë në Kupën e tij të pestë Botërore, luajti ndeshjen e tij të 196-të ndërkombëtare, një rekord që ai tani e ndan me Bader Al-Mutaëa të Egjiptit. FIFA ndau një video në Tëitter duke e nderuar CR7, duke theksuar disa nga momentet e tij më të mira në Kupën e Botës. “Një mit. Një legjendë. Një makinë. Faleminderit, Cristiano “, ka shkruar FIFA.

Obrigado, @Cristiano

— FIFA World Cup (@FIFAWorldCup) December 10, 2022