Kemi parë shpesh në futboll që tifozët e një skuadra të caktuar të bëjnë veprime të çmendura. Me Katar 2022 që nisi ditën e djeshme zzyrtarisht, “çmenduri” të tilla nuk përjashtohet. I tillë është rasti i një tifozi holandez, Laurens Jagt, i cili nuk ka nguruar aspak që të bëjë kilometra të tëra për të ndjekur kombëtaren e tij në Kupën e Botës. Por “çmenduria” e tij ka të bëjë me mënyrë që ka zgjedhur për të udhëtuar deri në Katar. Me biçikletën e tij, tifozi i “Tulipanëve” ka udhëtuar plot 111 ditë nga Amsterdami deri në Doha për të ndjekur skuadrën e “portokallitë” në Kampionatin Botërorë. Më shumë se 6 mijë kilometra të bëra për të arritur fiks në ditën kur Holanda do të përballet me Senegalin për të zhvilluar edhe ndeshjen e parë në grupin A mes tyre, me takimin që nis 17:00. Ka qenë vetë tifozi, që ka bërë gjithçka të ditur nëpëmjet një postimi në rrjetet sociale, me videon që është bërë virale në internet.

 

View this post on Instagram

 

A post shared by Laurens Jagt (@bike2unite)