Klubi i Kukësit ka reaguar pak minuta më parë për ngjarjet e sotme në stadiumin "Zeqir Ymeri", ku tifozët e Partizanit thyen stolat e impiantit sportiv të qytetit verilindor.
Sipas asaj që lexohet në reagimin e klubit verilindor në faqen zyrtare në internet, drejtuesit e Kukësit shprehin idinjatën e tyre për këto veprime të tifozëve të Partizanit, ndërsa shkruhet se fansat e kuq u mirëpritën në "Zeqir Ymeri", por kjo tifozëri i ka raste të përsëritura këto veprime.
"Klubi i F.K. Kukësit shpreh indinjatën e thellë për dëmtimin e stadiumit “Zeqir Ymeri” nga ana e tifozerisë së Partizanit. Tribuna e tyre pas largimit nga stadiumi ka qenë krejtësisht e zhveshur nga stolat për shkak të dëmtimit të tyre nga ana e këtyre të fundit. Fotot janë të qarta dhe pamjet flasin vetë.
Klubi i F.K. Kukësit është kundër këtyre gjesteve që nuk i shërbejnë askujt dhe prishin edhe bukurinë e garës në kampionatin shqiptar. Miqtë (tifozët e Partizanit) janë mirëpritur në Kukës, pasi tribuna e tyre ishte falas, por edhe u lejuan që të gjithë tifozët të futën në stadium duke mos lënë asnjë jashtë stadiumit.
Për asnjë moment tifozët tanë nuk kanë provokuar, kjo e vërtetuar edhe nga përfaqësuesit e Policisë, apo edhe vetë Delegati i ndeshjes. Ritheksojmë edhe njëherë keqardhjen për këto veprime që fatkeqësisht janë të përsëritura nga ana e kësaj tifozerie në stadiumin e Kukësit. Nga ana tjetër, klubi i Kukësit ka bërë një organizim mjaft të mirë të ndeshjes dhe kjo u vu re në kontrollin e plotë ndaj 4500 tifozëve kuksianë të ndodhur në stadium", lexohet në deklaratën për shtyp të klubit të Kukësit në faqen zyrtare në internet.
https://www.youtube.com/watch?v=k-ZwgyE5q6o
Lexo gjithashtu
