Empoli ka shënuar në minutën e 31’ të ndeshjes golin e parë ndaj Salernitanës, në sfidën që po luhet për javën e 37 të Seria A. Ishte Kristjan Asllani me super pasim, që e la topin për Patrick Cutronen, i cili nuk mund të gabonte. Ky asist të sjell në mendje padyshim Messin për nga vizioni.
Shqiptari ka marrë një vëmendje shumë të madhe ndeshjet e fundit për aftësitë që po tregon. Goli i parë në Seria A erdhi ndaj Interit 1 javë më parë në “San Siro”. Dhe pse ndeshja u humb me rezultatin 4-2, gjakftohtësia e 20- vjeçarit në momentin e shënimit në një fortesë të tillë, i dha vëmendjen kryesore.
Kristjan Asllani ka fituar besimin e trajnerit dhe vendin e titullarit fiks në formacion. Ky asist vjen në momentin e duhur para përfundimit të sezonit, pasi po dëgjohen zëra që tregojnë interesim ndaj tij, ku vlen të përmendet pista Inter.
Loading ...
