Shkupi ka fituar me rezultatin 3-0 kundër Lincoln Red, ndeshje e vlefshme për turin e parë të Champions League. Skuadra shqiptare e Maqedonisë së Veriut s’e ka diskutuar në asnjë moment triumfin duke vënë diktatin që në minutat e para të takimit.
Të futur në fushë me objektivin e vetëm fitoren, shkupianët kanë realizuar në minutën e 11-të. Danfa shfrytëzon bukur një top të ardhur nga Sheji dhe tund rrjetën e miqve. Atmosfera ishte fantastike dhe në minutën e 29-të, Adetunji jep leksione futbolli duke realizuar një perlë të vërtetë.
Pjesa e dytë nis keq për vendasit, të cilët e shohin veten me 10 lojtarë. Margvelashvili ndëshkohet me kartonin e dytë të verdhë, duke u penalizuar automatikisht me të kuq. Megjithaë edhe me 10 vetë, shkupianët janë të vendosur mirë në fushë.
Presioni i tyre bën që në minutën e 62-të, Chipolina të shënojë në portën e vet duke i dhënë kështu avantazhin 3-0. Në këtë mënyrë mbyllet kjo sfidë e shqiptarëve të Maqedonisë së Veriut të cilët janë me një këmbë në turin pasardhës të Champions League. Ndeshja e kthimit do të luhet pas një jave.
Loading ...
