Renato Malota ka dalë në konferencë për shtyp para ndeshjes kundër Vllaznisë. Qendërmbrojtësi i Partizanit ka prekur një sërë çështjesh, ku është ndalur te gjendja aktuale e skuadrës, humbja me Luftëtarin, qëndrimi i tifozëve dhe ndeshja e radhës kundër Vllaznisë.
" Ndaj Luftëtarit ishte një ndeshje aspak dinjitoze nga ana jonë. Në radhë të parë gjej rastin ti kërkoj publikisht falje tifozerisë së Partizanit , sepse na kanë mbështetur gjithmonë fuqishëm , si brenda edhe jasht shtëpie. Të jenë të sigurtë që lojtarët e Partizanit , e ndjejnë këtë fanelë , e dinë se cilin klub përfaqësojnë. Me këtë rast iu bëj thirrje tifozëve që të mos na kthejnë shpinën, por të na përkrahin ashtu siç vetëm ata dinë , sepse ne kemi nevoj për ta më shumë si anjëherë tjetër", është shprehur fillimisht ai.
- Ndjeni keqardhje që ishit pjesë e skuadrës në atë humbje ndaj Luftëtarit?
Normalisht po, janë disa ndeshje të tilla që është vështirë ti përjetosh dhe unë nuk i kisha provuar ndonjëherë. Ishte një ditë e errët për të gjithë ne. Duhet ti rikthehemi fitoreve me lojë bindëse, për të harruar disfatën ndaj Luftëtarit. I fortë është ai që kur rrëzohet di të ngrihet , këtë gjë duhet të tregojmë edhe ne si skuadër. Të gjithë lojtarët kanë karakter të fortë dhe kam besim që shumë shpejt do të ringrihemi si skuadër. Te Partizani ka lojtarë të cilët kanë luajtur edhe kur ky klub ka qenë në ditët më të vështira, duke sakrifikuar dhe një prej tyre jam edhe unë.
- Klubi nuk e ka pranuar dorëheqjen e trajnerit Starova , ju si e shikoni këtë vendim?
Më bëhet qejfi që klubi ka rikonfirmuar trajnerin Starova në skuadër. Starova dihet që është një nga trajnerët më të mirë në vend, e njeh më mirë se kushdo ekipin dhe ambjentin e Partizanit . Ai gëzon besimin maksimal te ne lojtarët , dhe për këtë fakt jemi entuziast për vendimin e klubit që i ka besuar sërisht skuadrën Starovës.
- Ndeshja e radhës ndaj Vllaznisë...
Vllaznia është një ekip që në këtë moment i duhen shumë pikët dhe normalisht vjen në Tiranë për rezultat pozitiv, por përballë do të gjejë një Partizan që do të bëjë maksimumin për të arritur fitoren , sepse është e vetmja rrugë që të realizojmë objektivat që ne kemi.
https://www.youtube.com/watch?v=6Qfo9IjBKnA
Lexo gjithashtu
