Leart Paqarada ka zhvilluar sot ndeshjen e fundit me ekipin e tij aktual në Bundesliga 2, St. Pauli. Mbrojtësi i krahut të majtë ka arritur të gjejë rrugën e rrjetës në minutën e 58-të duke barazuar kështu shifrat. St. Pauli priti në shtëpi Karlsruher SC ku të dyja skuadrat e kishin humbur garën për rikthimin në Bundesliga për sezonin e ardhshëm. Skuadra e tij nuk ka shkuar më shumë se vendi i 5-të në renditje duke humbur kështu mundësinë e rikthimit në Bundesliga.
Goli i shënuar nga Paqarada është një gol lamtumire pasi në merkaton e verës do të transferohet në elitën e futbollit gjerman te skuadra e Kolnit. Kjo do të jetë mbyllja më e bukur për futbollistin e kombëtares së Kosovës i cili e ka ndihmuar skuadrën e tij deri në ditën e fundit duke i lënë një boshllëk në krahun e majtë. Mbi të tjera kjo sfidë do të mbahet mend gjatë për djaloshin nga Kosova i cili në fund të takimi u shpall edhe njeri i ndeshjes.
Kujtojmë që 28-vjeçari ka zhvilluar 32 ndeshje me St. Pauli këtë vit duke gjetur rrugën e rrjetës plotë 3 herë dhe duke dhënë 10 asist.
Lexo gjithashtu
