Barcelona dhe Juventus kanë barazuar 2-2 në miqësoren e zhvilluar mëngjesin e sotëm në Dallas të SHBA. Të dyja skuadrat vijojnë turneun amerikan, teksa miqësorja mes tyre ka shfaqur interes të lartë, me mbi 35 mijë tifozë që ishin të pransihëm në “Cotton Stadium”.
Ndeshja është vendosur nga dopietat e Dembele për Barçën dhe Kean për Juventus. Gjithçka ka nisur në minutën e 34, kur spanjollët do kalonin në avantazh.
Më pas, Kean në të 39 do vendoste ekuilibrat në 1-1, teksa vetëm pas një minute, Dembele do bënte sërish “lëmsh” mbrojtjen e Juves për avantazhin. Në të 51 minutë, pas një asisti të Locatellit, Kean do barazonte gjithçka në 2-2.
Të dy trajnerët kanë provuar shumicën e lojtarëve në dispozicion, teksa Lewandowski luajti si titullar në këtë ndeshje.
