Christopher Nkunku sapo mbylli sezonin e tij fantastik në mënyrën më të mirë të mundshme! Pasi u shpall lojtari më i mirë i sezonit në Bundesliga, ylli i Leipzig kishte edhe një mision: T’i japë Kupën e Gjermanisë skuadrës së tij.
E pikërisht këtë gjë, 24-vjeçari francez e bëri sot. Leipzig pati një sfidë shumë të vështirë me Freiburg në finalen e DFB Pokal, por pas 120 minutave lojë dhe penalltive, ishin lojtarët e Leipzig ata që festuan.
Freiburg kaloi i pari në avantazh, që në minutën e 19’ të sfidës. Eggestein i dha avantazhin të besuarve të Streich. Në minutën e 57-të, Leipzig do të mbetej me 10 futbollistë, pas kartonit të kuq të Halstenberg. E kur dukej se Leipzig e kishte humbur këtë finale, Nkunku mori për dore skuadrën e tij, duke shënuar në minutën e 76-të, si dhe penalltinë e parë, çka i hapi rrugë ekipit të tij për të triumfuar. Një lojtar fantastik dhe një trofe mëse i merituar për Leipzig, për sezonin e zhvilluar.
DFB Pokal, finale
Freiburg – Leipzig 1-1 (2-4)
Eggestein 19’ / Nkunku 76’
Loading ...
