Myrto Uzuni padyshim po kalon momentet më të mira në karrierën e tij. Sulmuesi i kombëtares shqiptare ishte protagonist sërish me Granadan duke arritur t’i japë fitoren 2-0 kundër Tenerifes. Beratasi u tregua i saktë nga pika e bardhë e penalltisë në minutën e 6-të të sfidës, për të vulosur më tej fatet e takimit në minutën e 82-të, po nga 11-metërshi.
27-vjeçari ka arritur në kuotën e 17 golave duke qenë kandidat potencial për t’u shitur në merkaton e verës. Valencia është klubi që ka shprehur interes për shërbimet e tij, megjithatë pritet të shihet nëse Granada do të pranojë ofertën që do t’i bëhet. Kjo ishte sfida e katërt radhazi që Uzuni realizonte për skuadrën e tij duke treguar se është në një formë të jashtëzakonshme.
Poll
Lexo gjithashtu
