Italia fitoi Europianin 2020 pasi mposhti pas penalltive Anglinë. Tanimë në Itali janë duke publikuar momentet më pikante nga ecuria e finales, teksa bie në sy vendosja e formacionit para ndeshjes me “Tre Luanët”.
Trajneri Roberto Mancini nuk ka folur shumë, ndërsa ka zbardhur formacionin për Azzurrët. Në krahun e majtë, trajneri ka futur të operuarin Spinazzola, i cili ishte prezent me skuadrën në finale.
Në këtë moment Mancini i jep një shikim lojtarit që ishte me paterica, duke shkaktuar të qeshura. Në fund edhe pak fjalë. “Ju e dini vet se çfarë të bëni, nuk kam çfarë them. Jemi këtu dhe kemi fatin në dorë, e kemi ne, nuk e ka as arbitri askush”, dëgjohet trajneri.
