Argjentina fitoi dje 1-0 me Brazilin në finalen e Kupës së Amerikës Latine. Ndeshja u vendos nga një gol i Di Maria në minutën e 22, teksa pas ndeshjes kapiteni Leo Messi nuk i ka fshehur lotët.
Për herë të parë në historinë e tij me kombëtaren, Messi fiton një trofe të rëndësishëm, duke kthyer pas 25 vitesh suksesin për Argjentinën në këtë event. Kështu, Argjentina barazon me 15 trofe Uruguajin.
Pas ndeshjes, Messi nuk i ka mbajtur lotët, teksa ka biseduar me familjen në fushë. Në një lidhje nëpërmjet internetit, Pleshti ka komunikuar edhe me fëmijët, teksa shihej lumturia në sytë e tij. Në fund, festa në dhomat e zhveshjes ishte e veçantë.
