Xhuliano Skuka është padiskutim idhulli i tifozerisë së kuqe. Sulmuesi u rikthye në kryeqytet për të bërë sërish protagonistin te Partizanit.
Një vit i kaluar mes Metz dhe Maribo, me Skukën që sërish nuk mundi të kishte minutat e dëshiruara dhe u rikthye në kryeqytet për të “rilindur” sërish aty ku shkëlqeu. Rikthimi i tij ishte me disa kilogramë më shumë dhe diçka të tillë e pranuan edhe drejtuesit dhe stafi i Partizanit të cilët herë pas here deklaronin se “i duhet kohë për të qenë gati”.
Me rikthimin e tij Skuka ia ka dalë të luajë në 4 ndeshje në Superiore dhe një tjetër sfidë në Kupën e Shqipërisë. Sulmuesi ka gjetur dy herë rrugën e rrjetës, si për të treguar se pavarësisht kilogramëve të tepërt ai nuk e ka humbur nuhatjen para portës.
Shënoi një gol në Kupë ndaj Apolonisë, ndërsa me një supergol i dhuroi Partizanit barazimin në minutat e fundit në duelin me Egnatian. Pikërisht golin e shënuar ndaj rrogozhinasve, te Partizani e kanë ripostuar në rrjetet sociale, ndërsa kanë edhe një mesazh për lojtarin e tyre.
“Kurrë mos u dorëzo” ka shkruar klubi, duke mbështetur kështu Skukën në aventurën e tij të dytë në kryeqytet. Një motiv më shumë për të për të punuar dhe për të shënur të tjera gola në sfidat e radhës, të cilët janë dy derbi rresht. Fillimisht ndaj Dinamos ditën e shtunë dhe me 16 shkurt ndaj Tiranës.
Lexo gjithashtu
