Manchester City fitoi minimalisht 1-0 ndaj Crystal Palace në transfertë. Një ndeshje plot vuajtje për “qytetarët” që nuk arrinin të depërtonin në mbrojtjen kundërshtare. U desh një penallti në minutën e 78-të për të zhbllokuar sfidën. Pas një fillimi të shpejtë të lojës nga këndorja, Gundogan do të fitonte një 11-metërsh përballë Olise që do të kthehej më pas në gol nga i përhershmi, Erling Haaland.
Ekipi i Guardiolës kthehet me tre pikë në shtëpi dhe vazhdon sërish garën për titullin kampion teksa është dy pikë pas Arsenal që kanë një ndeshje për të luajtur nesër ndaj Fulham në transfertë në orën 15:00.
