Uerdi Mara ka gjetur rrugën e rrjetës në Bullgari me ekipin e Beroe Stara Zagora përballë Sportis Svoge. Në minutën e 35’ ish-talenti i Skënderbeut do të shënonte golin e parë të sfidës pas shumë tentativave të pritura nga portieri kundërshtar por pa ia dalë të ndalë gjuajtjen e shqiptarit.
Ky gol mund të ketë një peshë shumë të rëndë teksa mund t’i japë fitoren skuadrës së Marës e cila po luan në finalen e mbijetesës në elitën e futbollit bullgar.
Mesfushori ishte një prodhim i suksesshëm i Skënderbeut që e shiti atë për 150 mijë euro drejt turqve të Ankara Keciorengucu në verën e fundit ndërsa në janar ai do të huazohej në Bullgari. Në 10 ndeshje të luajtura me bullgarë, mesfushori 24-vjeçar ka shënuar 2 gola dhe 1 asist.
Poll
Lexo gjithashtu
